உலகப் பிரசித்தி பெற்ற திருவண்ணாமலை கார்த்திகை தீபத்திருவிழாவை முன்னிட்டு இந்த ஆண்டு டிசம்பர் 3-ஆம் தேதி மகாதீபம் ஏற்றப்படவுள்ளது. லட்சக்கணக்கான பக்தர்கள் திருவண்ணாமலைக்கு வருகை தர உள்ள நிலையில் கூட்ட நெரிசலை குறைக்க தெற்கு ரயில்வே சார்பில் சிறப்பு ரயில்கள் இயக்கப்படுகின்றன.

திருவண்ணாமலை அண்ணாமலையார் கோவிலில் நடைபெறும் வருடாந்திர கார்த்திகை தீபத் திருவிழா நேற்று முன்தினம் கொடியேற்றத்துடன் தொடங்கியது. விழாவின் ஏழாம் நாளான டிசம்பர் 30-ம் தேதி விநாயகர், முருகர், அண்ணாமலையார், அம்மன் மற்றும் சண்டிகேஸ்வரர் என மொத்தம் ஐந்து தேர்கள் மாடவீதிகளில் வலம் வர உள்ளது.

விழாவின் முக்கிய நிகழ்வான பரணி தீபம் டிசம்பர் 3-ம் தேதி அதிகாலை 4 மணிக்கும், அதே நாளில் மாலை 6 மணிக்கு 2,668 அடி உயர மலைப்பகுதியில் மகாதீபமும் ஏற்றப்படும். இந்த பெருவிழாவை ஒட்டி சென்னை உள்ளிட்ட பல முக்கிய நகரங்களில் இருந்து சிறப்பு ரயில்கள் இயக்கப்படும் என ரயில்வே தெரிவித்துள்ளது.